shadow

KAWAGH-HIR: WANYE U HEMBAN ATO

U nderan: Kwagh-hir wam nahan gao)
U lumun: Nahan gao nahan gao ) 2x

Yange ne ga yô, wanye u genegh lu vea ngô na. man wanye gema taver ityough er a ya kpandegh nahan. Mayange je ungwan imo I ngô na ga cii. Ngô na yange una venda kwagh a na yô, maa wan ne a hanger keng a er di kwagh la di kpa keng. Aluer ngô na kaa er a de ze heen ga yô, saa wan ne una za ape la di kpa keng. Aluer ngô na kaa er a de benden I ngin nahan ave ga yô, saa wan ne una bende kwagh la di keng. Ato kondo kporo. Yange I genegh yô, kwagh gande ngô na shir ishima keeng! Kaa er, wan ne a zeren tso yange I gen una za tôô vaarava tsô una nenge! Wan ne ungwa kpugh, kwagh nyôr ga.

Yange sev mbu hongo mbu aven yô, ngô na too ikyav mbi yaren ken ityev, tsô a yia wan ne a ta un icin a kaa er, a de ze mape mom mom ga, saa una kar kurun. Wan ne rumun doo doo, kpa ngô na yaren a yar ga nahan maa wan ne too ishom er una za shin wagh una za gber igbire una va hom myôngom. Ze shin wagh za ngur keren igbire u gberen yô, a za asegh sha aji a ikyume, maa a kura je, igbire kpa maa a bunde u gberen. A kura aji a a hile a min ken ya, a va jiidi maa a ya je, ngô na tsô kpa a kegh un a min ga.

Ka tem tôgholôô yô, ikyume za hide zende, va nôôn hen iya na yô, a kava Iyang!!! Ikyume zende ningir hen anteregh a cii keren aji na kpa zua a min ga. Tsô ikyume gba vaan gberen imo nahan er:

        Kende ngôôôô, kende ngôôôô (2x)
        Nortar a agidigboo
        Me na loho gidigboo
        Yaa yaa agida gba imo yô
        Yaa yaa kende ngô
        Hi ôô, hi ôô
        Or nan tee mo kpa nan tee zeoo
        Hi ôô, hi ôô

Hi ôô, hi ôô ne i lu aji a yange wan la ya la lu za lumun un ken gbor nahan ye. Maa ikyume za ta ato ungwa mrumun u aji na, tsô maa I gba tôvon sha hwange van. i va gbang, i va tile I gber imo, I kegh ato I ungwa vegher u aji a lu lumum er ‘hi ôô, hi ôô’ la, tsô I gba mi zan. Shie ne nahan yô, aji ngurun rumun wan ne shin gbor yô, a tsule sambe sha gbor na tswang a kaa er ka nyi gbor naa eren er “hi ôô, hi ôô” nahan? Ikyume v azan zan va taa ashe shin hwar. Yange wan ne nengen a ikyume yô, maa wa ayem inya. Wan ngu ibatuu yevese yemen sha iyou i ngô na, za guusu ken iyou kyaa maa ta hunda kpugh man senda, mase ôôn keeng, keeng. Tsô ikyume tile shin hwar shi yua imo. Kuren yo, aji shi za lumun shin iyav mbu wan ne er “hi ôô, hi ôô”. Tso wan ne shit sure sambe sha gbor na ting maa kôr her wen er, kanyi gbor na una de un una mem ga, man ikyume i zende va kyua. Man wan ne kura ikyon I yange ngô na haa ken kpekpe yo, cir iyol maa yav lu hen kpekpe her.

Ikyume maa za va eletete vat a sha anhunda u ngô na tsaghela, anhunda bugh za gbide keera. Ikyume nyôr haa ken iyou hyegh, tso ikume shi yua imo. Kuren yô, shi aji la za rumun shin gbor u wan ne er “hi ôô, hi ôô” maa ikyume paa ikyon la haa kera kôr wan ne nareegh tuaanaa maa mena. Ngô na va kurun, yer wan ne yô, yila lyang. Ze er una nyôr ken iyou yô, mase kaven hwange iyô bwang hii ken iyou na bee-ee due yem shin hwar, ngô na ka mase kaven a kav kwagh u a er la.

Ka ape i lu man ihyembeato I dio ga ne. tiv ver i shoo er: ‘ihyembeato ka ku’. Ka wea hemba ato yum yange I gen ato di kpaa a va hembau, er yange ato va hemba wan ne nahan maa hingir u una za zua a ku!!!