shadow

Ku u eren ken tar Tiv

Kwagh ugenegh u alu zan iyol kpishi ken tar tiv hegeen yô ka ku u eren. Yange ku ua er or Tiv yô nan vaa; angbianev kpa ve va kohol he tenbe ve wase nam mliam kua u timen war iin ikyom. 

Kpa hegeen yô, ku ka ua er or nan yem zungwen er nan er ve na er iniongo, nana yôr ior vea ya shi vea maa vea ide yô. Ior kpa ka ve kaan je er ‘ku u via ne kwaghyan man kwagh u man una nger’ nahan vea za (ka a lu ku u ican-or, shin ku u or u nan ne angor shin onev mbakasev kela kpishi ga yô, ior ve palegh).

Akwati kpa ka a hingir kwagh u gesa. Shiengenegh yô ka a ii cii kpa i ka er yange i dar-a-dar vue-inyaa i ci, nahan a va zua a inyaregh tsô a za kôr ikyom a gema shi a sôr a ii.

Akaa ne yange lu akaa a Tiv ga cii, kpa hegeen yô Tiv er kwaghshon hemba uke. Aer nan man kwaghne una pande?

MbaKristu mbagenegh hii u soron; ve due a atindi a eren ku. Ityokya yo ka u van a guda shi seer mchiem ma a Aonde.  Shi inyom i 2018 sembelee ne kpa yange mbahemenegh mba ken tar Tiv ve hen sha aeren a Tiv aa a kela lu zan shamin ga yo, ve hii usoron a. Nahan Aonde una wase yo, Tiv vea hide sha gbenda keng.