shadow

Kwagh u Aonde (5): Yesu Mough Shin Mbakpenev

Yesu  kpe sha yange i tom ayange ataan i dedoo, man I ii un shin war.  I cir zegeiwen ne sha min cier Mbaapostoli iyol nahan ve yevese ve za yer.

Kpernan pepe pepe nahan kasev mbagen ve va u va vaan hen war u Yesu.  Zegeiwen la kera lu ga.  War la lu gbilin.  Ve nenge a Ortiom.  Ortiom ne kaa aver er, Yesu ngu heen ga.  A nder ngu uma, di vough er vande ôron yô.

Yange va been yô, Mbaapostoli mbera cii kohol lu hen iyough ijiir môm.  I wuhe ihinda cii.  Tsô ve nenge a Yesu tile ve sha ishi.  A kaa er, ‘Bem alu a ven”.  Cier mbaapostoli mban iyol ve hen er ka ma jijingi ve nenge a min ye.  Kpa Yesu kaa a ve er, ‘de cie nen ga.  Ka mo iyol yam.  Bendem nen wegh iyol.  Nenge nen ajiir aa ukusa ken ave am’.

Tsô Mbaapostoli ember er Ye su nder shin ku yô.  Kpa u mom ken mbapostoli u iyilan er Toma la lu her shie u Yesu va la ga.  Zum u va hidi yô Mbaapostoli mbagen kaa ana er, ‘O, Toma, Yesu nder shin Mbakpenev, se nenge ana’.  Kpa Toma kaa er, ‘Ei, mrumun ga, saa me nenge ana, ayoo a ukusa ken ave ga yô me rumum ga.  Me bende ave am hen pe ikuma un iwange hen imbusu la ga yô me rumun ga’.

Ayange nga karen kpuaa yô Yesu shi va.  Toma lu her.  Yesu kaa er, ‘Toma va heen; kenger ave am, bende ave ou sha ahura a ukusa la, de kera vende u rumun ga’.  Tsô Toma gba hen angahar a Yesu kaa er, ‘Terem man Aôndo wam’.

Nahan Yesu kaa er, ‘Toma ka er u nenge amo man u ne jighjigh ye?  Isaan mba ve nenge amo ga kpa ve ne jighjigh la iyol’.

Isaan se iyol sha aciu Yesu nder shin mbakpenev.  Se fa ser se kpa una nder avese.  O Yesu, u ngu Oryiman wam, u ngu Wan u Aôndo.  Msoo ou a ishima yam cii. Msugh u a uma wam cii.